ಶ್ರೀಗುರು ಮಂತ್ರಾಲಯ ಪ್ರೊಡಕ್ಷನ್ಸ್ ಲಾಂಛನದಲ್ಲಿ ಸಂಜೀವ್ ಶೆಟ್ಟಿ, ವೆಂಕಟೇಶ್.ಎಸ್ ಹಾಗೂ ಪಿ.ಎನ್.ಶ್ರೀನಾಥ್ ಅವರು ನಿರ್ಮಿಸುತ್ತಿರುವ  ‘Love on NH 4 ಚಿತ್ರಕ್ಕೆ ಬಿರುಸಿನ ಚಿತ್ರೀಕರಣ ನಡೆಯುತ್ತಿದೆ. ಹದಿನೈದು ದಿನಗಳ ಕಾಲ ಮೈಸೂರಿನಲ್ಲಿ ಚಿತ್ರೀಕರಣ ನಡೆದಿದೆ. ಈಗ ಬೆಂಗಳೂರಿನಲ್ಲಿ ಚಿತ್ರೀಕರಣ ಸಾಗಿದೆ.
ಪತ್ರಕರ್ತ ಪಿ.ಎನ್.ಶ್ರೀನಾಥ್ ಕಥೆ, ಚಿತ್ರಕಥೆ, ಸಂಭಾಷಣೆ ಬರೆದು ನಿರ್ದೇಶಿಸುತ್ತಿರುವ ಈ ಚಿತ್ರಕ್ಕೆ ನಿರಂಜನ್‌ಬಾಬು ಅವರ ಛಾಯಾಗ್ರಹಣವಿದೆ. ಪಿ.ಎನ್.ಶ್ರೀನಾಥ್ ಅವರೇ ಚಿತ್ರದ ಹಾಡುಗಳನ್ನು ಬರೆದು ಸಂಗೀತ ನೀಡಿದ್ದಾರೆ. ಕೆ.ಎಂ.ಪ್ರಕಾಶ್ ಸಂಕಲನ, ಫ಼ೈವ್‌ಸ್ಟಾರ್ ಗಣೇಶ್, ಇಮ್ರಾನ್ ನೃತ್ಯ ನಿರ್ದೇಶನ ಹಾಗೂ ಶ್ರೀನಿವಾಸ್ ಅವರ ಕಲಾ ನಿರ್ದೇಶನವಿರುವ ಈ ಚಿತ್ರದ ತಾರಾಬಳಗದಲ್ಲಿ ಅಕುಲ್ ಬಾಲಾಜಿ, ತಿಲಕ್, ಮಾಧುರಿ, ಬುಲೆಟ್‌ಪ್ರಕಾಶ್, ಮಂಡ್ಯ ರಮೇಶ್, ಬ್ಯಾಂಕ್ ಜನಾರ್ದನ್, ಚಿದಾನಂದ್, ನಯನಕೃಷ್ಣ, ಆರ್‌ಜೆ ರೋಹಿತ್, ಆರ್‌ಜೆ ರಶ್ಮಿ, ರಾಜೇಶ್‌ಕೃಷ್ಣನ್, ರಿಶಿಕುಮಾರ್ ಸ್ವಾಮೀಜಿ, ಜಯಲಕ್ಷ್ಮೀ, ಜ್ಯೋತಿ (ಕೋತಿರಾಜು) ಮುಂತಾದವರಿದ್ದಾರೆ.